ગાંધીનગર શહેર નજીક અડાલજ કલોલ હાઇવે ઉપર શેરથા કસ્તુરી નગર પાસે બે યુવાનોને અડફેટે લઈ અજાણ્યો વાહન ચાલક ફરાર થઈ ગયો હતો. જોકે બંને ઘાયલોને સારવાર માટે ગાંધીનગર સિવિલ હોસ્પિટલ ખસેડવામાં આવ્યા હતા. જે પૈકી એક યુવાનનું મોત નીપજ્યું હતું. ઘટના અંગે અડાલજ પોલીસે ગુનો દાખલ કરી વાહન ચાલકની શોધખોળ હાથ ધરી હતી.

બનાવની વિગત એવી છે કે, અડાલજ કલોલ હાઇવે ઉપર શેરથા કસ્તુરી નગર પાસે બે યુવાનોને અડફેટે લઈ અજાણ્યો વાહન ચાલક ફરાર થઈ ગયો હતો. જે પૈકી એક યુવાનનું મોત નીપજ્યું હતું. કલોલમાં આવેલી સત્યમ નગરની ચાલીમાં રહેતો અનિલ પંકજભાઈ શાહ અને અમદાવાદ નિકોલ ખાતે રહેતો પાર્થ દીપકભાઈ ગજ્જર શેરથા કસ્તુરી નગર પાસેથી પસાર થઈ રહ્યા હતા. તે દરમિયાન કોઈ અજાણ્યા વાહન ચાલકે આ બંને યુવાનોને અડફેટે લીધા હતા.

જોકે આ અકસ્માતમાં તેમને ગંભીર ઈજાઓ પહોંચતા સારવાર માટે ગાંધીનગર સિવિલ હોસ્પિટલમાં ખસેડવામાં આવ્યા હતા, જ્યાં સારવાર દરમિયાન અનિલનું મોત થયું હતું જ્યારે પાર્થની સારવાર ચાલી રહી છે. ઘટના અંગે પોલીસે મૃતક ભાઈની ફરિયાદનાં આધારે અજાણ્યા વાહન ચાલક સામે ગુનો દાખલ કરી કાર્યવાહી હાથ ધરવામાં આવી હતી.