ગાંધીનગરનાં પેથાપુર મહુડી રોડ ઉપર આવેલી ગોએન્કા હોસ્પિટલ પાસે એક કારની ટક્કરથી રાહદારીનુ મોત થયુ હતુ. જ્યારે આ ઈસમ મોડી રાત્રે રસ્તો ક્રોસ કરી રહ્યો હતો. તે દરમિયાન કારની ટક્કરથી મોત થયુ હતુ. બનાવ અંગે પેથાપુર પોલીસે કારનાં ચાલક સામે ગુનો નોંધી કાર્યવાહી હાથ ધરી હતી. સુત્રો પાસેથી મળતી માહિતી અનુસાર, ગોએન્કા હોસ્પિટલ પાસે આવેલા એક પાર્લર પાસે કાળુભાઇ બદીયા ગરાસીયા રોડ ક્રોસ કરતા હતા.

​

તે દરમિયાન એક કાર નંબર જીજે/01/એચજે/5860નાં ચાલકે બેદરકારી રીતે કાર હંકારી ટક્કર મારી હતી. જેમા કાળુભાઇનું ગંભીર રીતે ઇજાગ્રસ્ત થતા સ્થળ ઉપર જ મોત થયુ હતુ. બનાવને લઇને મૃતકના દિકરાએ કાર ચાલક સામે ગુનો નોંધાવતા પેથાપુર પોલીસે તપાસ હાથ ધરી હતી.