ગાંધીનગરનાં ચિલોડા પોલીસે ચંદ્રાલા પાસે વાહન ચેકીંગ દરમિયાન રાજસ્થાન તરફથી આવતી લક્ઝરી બસમાંથી રાજસ્થાન અલવરના મુસાફરને વિદેશી દારૂની 18 બોટલ સોથી ઝડપી લઇને કુલ 28 હજાર ઉપરાંતનો મુદ્દામાલ કબ્જે કરીને કાયદેસરની કાર્યવાહી હાથ ધરવામાં આવી હતી. મળતી માહિતી અનુસાર, ચિલોડા પોલીસ ચંદ્રાલા પાસે વાહન ચેકીંગ કરી રહી હતી. તે દરમિયાન રાજસ્થાન તરફથી આવતી ખાનગી ટ્રાવેલ્સની બસ ઉભી રાખી હતી અને તેમાં તપાસ કરતા મુસાફર સોનુ શ્યોરામ ખટાણ (રહે.અલવર રાજસ્થાન) નાને વિદેશી દારૂની 18 જેટલી બ્રાંડવાલી બોટલો સાથે ઝડપી લેવામાં આવ્યો હતો. જોકે 28 હજાર ઉપરાંતનો મુદ્દામાલ કબ્જે કરીને આ દારૂ ક્યાંથી લાવ્યો હતો અને તે કોને આપવાનો હતો તે જાણવા માટેની પૂછપરચ શરૂ કરવામાં આવી હતી.