નવસારી LCB પોલીસની ટીમ ચીખલી વિસ્તારમાં પેટ્રોલિંગમાં હતી. દરમિયાન બાતમી મળી હતી કે, એક મહેન્દ્ર પીકઅપ ટેમ્પોમાં ઈંગ્લિશ દારૂનો જથ્થો ભરી સુરત તરફ જનાર છે. જે બાતમીના આધારે નવસારી LCB પોલીસે આલીપોર ગામે શિવકૃપા હોટલ સામે નેશનલ હાઈવે નંબર ૪૮ મુંબઈથી અમદાવાદ જતા ટ્રેક ઉપર વોચ ગોઠવી હતી. દરમિયાન બાતમી મુજબનો પીકઅપ ટેમ્પો આવતા જેને રોકી તલાશી લેતા અંદરથી વિદેશી દારૂ તેમજ ટીન-બિયરની નાની-મોટી બોટલ નંગ-૩૧૯૨ જેની કિંમત રૂપિયા ૪,૯૨,૨૪૦/-નો જથ્થો ઝડપાયો હતો. આમ, પોલીસે મહેન્દ્ર પીકઅપ ટેમ્પો જેની કિંમત રૂપિયા ૭ લાખ અને એક મોબાઇલ મળી કુલ રૂપિયા ૧૧,૩૦,૨૪૦/-નો મુદ્દામાલ કબજે કરી ટેમ્પો ચાલક સચિન અશોકભાઈ પટેલ (ઉ.વ.૨૬., રહે.સી-૧૦૪, જે.જે.કોમ્પ્લેક્ષ, વરેલી, કડોદરા, તા.પલસાણા, જિ.સુરત., મૂળ રહે.રુસુલપુર ગામ, થાણા, મેજરગંજ, જિ.સીતામઢી,બિહાર)ની ધરપકડ કરી હતી. જયારે મિતેષ મિશ્રા (રહે.બારડોલી)ને પોલીસ ચોપડે વોન્ટેડ જાહેર કર્યો હતો.