ડાંગનાં વધઈ તાલુકાનાં શિવારીમાળ ગામમાં આવેલ અંધની શાળામાં ભણતો બાળક શાળા બાજુનાં ડેમમાં ડુબી જવાથી મોત થયુ હતુ. મળતી માહિતી મુજબ, વધઈનાં શિવારીમાળ ગામની અંધજન સ્કુલમાં ધોરણ-8માં અભ્યાસ કરતા સતિષભાઇ રમેશભાઇ (ઉ.વ.14.,રહે.અંધજન સ્કુલ, શિવારીમાળ મુળ વતન રહે.મહારદર પો.સ્ટ ચીચલી,આહવા) જેઓ તા.30/03/2023નાં રોજ બપોરનાં સાડા ત્રણેક વાગ્યે સ્કુલના છોકરાઓ સાથે અંધજન સ્કુલની બાજુમા આવેલ ચીચવાગન ચેકડેમમા નાહવા-ધોવા માટે ગયેલ હતા.

જોકે ત્યાંથી ગુમ થઈ ગયેલ જેઓની ભારે શોધ ખોળ કરવા છતા મળી આવેલ ન હતો બીજે દિવસે ચીચવાગન ચેક ડેમ માથી મરણ ગયેલ હાલતમાં સતિષભાઈ રમેશભાઇની તરતી લાશ મળી આવતા શાળામાં ગમગમી છવાઈ જવા પામી હતી. બનાવ અંગે મરનાર બાળકનાં પિતા રમેશભાઇ તુકારામભાઇ જોપળેએ સાપુતારા પોલીસને જાણ કરતા સાપુતારા પોલીસે આગળની વધુ તપાસ હાથ ધરી હતી.