મનિષા એસ. સુર્યવંશી/તાપી : સોનગઢનાં પરોઠા હાઉસ ખાતેથી બુલેટ પર વગર પાસ પરમિટે વિદેશી દારૂની બોટલો લઈ જતો એક ઈસમ ઝડપાયો હતો. મળતી માહિતી મુજબ, સોનગઢ પોલીસ સ્ટાફના માણસો ખાનગી વાહનમાં બેસી પ્રોહી. ગુના અંગેની રેઈડમાં નીકળેલ હતા. તે દરમિયાન રાહે બાતમી મળી હતી કે, લક્કડકોટ તરફથી એક ઈસમ રોયલ ઈનફિલ્ડ બુલેટ નંબર GJ/26/AA/4962 પર પ્રોહી. મુદ્દામાલ ભરી લાવનાર છે.

જે બાતમીના આધારે પોલીસ સ્ટાફના માણસો પરોઠા હાઉસ પાસે છુટા છવાયા વોચમાં ઉભા હતા. તે દરમિયાન બાતમીવાળી રોયલ ઈનફિલ્ડ બુલેટ બાઈક આવતાં જોઈ ઈશારો કરતા બાઈક ચાલકે બાઈક ઉભી રાખતા તેનું નામ પૂછતા તેણે પોતાનું નામ, સુરેશભાઈ ભક્તુભાઈ ચૌધરી (ઉ.વ.42., રહે.પીપળકુવા ગામ, બંધારી ફળિયું, તા.સોનગઢ)નાં જણાવ્યું હતું. ત્યારબાદ પોલીસે બાઈકની આગળ મુકેલ કાપડની થેલીમાં વગર પાસ પરમિટે ભારતીય બનાવટની વિદેશી દારૂની બોટલો મળી આવી હતી. આમ, પોલીસે વિદેશી દારૂ, 2 નંગ મોબાઈલ અને રોયલ ઈનફિલ્ડ બુલેટ બાઈક મળી કુલ રૂપિયા 94,100/-નો મુદ્દામાલ કબ્જે કરી ઝડપાયેલ સુરેશ ચૌધરી વિરુધ્દ ગુનો નોંધી કાયદેસરની કાર્યવાહી હાથ ધરી હતી.