ભરૂચનાં નંદેલાવ બ્રીજ નીચે સર્વિસ રોડ ઉપર રાહદારીને અજાણ્યા વાહન ચાલકે ટક્કર મારતા  અકસ્માત સર્જાયો હતો. જેમાં રાહદારીનું સારવાર દરમિયાન વડોદરાની એસ.એસ.જી ખાતે કરૂણ મોત નીપજ્યું હતું. બનાવની વિગત એવી છે કે, ગત તા.6 માર્ચનાં રોજ ભરૂચનાં નંદેલાવ બ્રીજ નીચે સર્વિસ રોડ ઉપરથી આશરે 50 વર્ષીય આધેડ પસાર થઇ રહ્યા હતા.

તે દરમિયાન અજાણ્યા વાહન ચાલકે રાહદારીને ટક્કર મારતા અકસ્માત સર્જાયો હતો. આ અકસ્માતમાં રાહદારીને ગંભીર ઈજાઓ પહોંચતા તેને તાત્કાલિક સારવાર માટે ભરૂચ સિવિલ હોસ્પિટલ ખાતે ખસેડવામાં આવ્યા હતા. જ્યાંથી તેઓને વધુ સારવાર માટે વડોદરાની એસ.એસ.જી હોસ્પિટલમાં ખસેડવામાં આવ્યા હતાજ્યાં ટૂંકી સારવાર દરમિયાન તેઓનું કરુણ મોત નીપજ્યું હતું. અકસ્માત અંગે ભરૂચ એ ડીવીઝન પોલીસે ગુનો નોંધી તપાસ હાથ ધરી હતી.