અંકલેશ્વરનાં મોતાલી ગામનાં ખાડી ફળિયા સામેથી જુગાર રમતા ત્રણ જુગારિયાઓને ઝડપી પાડ્યા હતા, જયારે અન્ય ચાર ફરાર થઇ ગયા હતા. મળતી માહિતી અનુસાર, અંકલેશ્વરનાં મોતાલી ગામનાં ખાડી ફળિયા સામે કેટલાંક ઈસમો જુગાર રહ્યા હોવાની બાતમી મળી હતી. જે બાતમીનાં આધારે અંકલેશ્વર બી ડીવીઝન પોલીસ સ્ટાફે માહિતી વાળા સ્થળ પર દરોડા પાડ્યા હતા. જોકે પોલીસ જોઈને જુગારીયાઓમાં નાસ ભાગ મચી જવા પામી હતી.

જોકે, પોલીસે સ્થળ પરથી દિલીપ અંબુ વસાવા, મુકેશ વસાવા અને રાકેશ વસાવાને ઝડપી પાડ્યા હતા આમ પોલીસે સ્થળ પરથી રોકડા રૂપિયા 7 હજાર મળી કુલ રૂપિયા 10,700/-નો મુદ્દામાલ કબ્જે કર્યો હતો, જ્યારે પોલીસને જોઈ ભાગી ગયેલા રમણ ખોડાભાઈ વસાવા, સન્મુખ મેરજી વસાવા, અશોક વસાવા અને સેવનતું નામનાં ચાર જુગારી ફરાર થઇ જતાં પોલીસે તેમને ઝડપી કામગીરી હાથ ધરી હતી.