કોસંબા પોલીસ મથકનાં પ્રોહિબીશનનાં ગુનામાં વોન્ટેડ આરોપીને ભરૂચની લોકલ ક્રાઈમ બ્રાન્ચની ટીમે દબોચી જેલના સળિયા પાછળ ધકેલી દીધો છે. આ અંગે LCB પોલીસે કોસંબા પોલીસને જાણ કરતા તેઓ ટ્રાન્સફર વોરંટથી આરોપીને લઈ જવાની કામગીરી હાથ ધરી છે. મળતી માહિતી મુજબ, ભરૂચ જિલ્લા એસ.પી.નાં વોન્ટેડ તથા પેરોલ જમ્પનાં આરોપીઓને ઝડપી પાડવા આદેશ આપ્યા હતા. જેના આધારે અંકલેશ્વર LCB પોલીસની ટીમ વોન્ટેડ આરોપીઓને માહિતી એકત્ર કરીને પી.એસ.આઈ. અને તેમની ટીમ અંક્લેશ્વર G.I.D.C. પોલીસ સ્ટેશન વિસ્તારમાં પેટ્રોલીંગમાં હતી.

તે દરમિયાન મળેલી બાતમીનાં આધારે કોસંબા પોલીસ સ્ટેશનના પ્રોહિબીશનનાં ગુનાનો આરોપી વિજય મણીલાલ પટેલ (રહે.ગુજરાત ઉસીંગ,મ.નં.188,અંક્લેશ્વર)નો પોલીસ ધરપકડથી નાસતો ફરતો હોય તેને અંક્લેશ્વર G.I.D.C.માં આવેલી કેમાતુર ચોકડી ખાતેથી પકડી લઇ CRPCની સંલગ્ન કલમો મુજબ કાર્યવાહી કરી વધુ તપાસ અર્થે અક્લેશ્વર G.I.D.C. પોલીસ સ્ટેશન ખાતે સોંપવામાં આવ્યો છે. આ અંગે કોસંબા પોલીસને જાણ કરતા તેઓ ટ્રાન્સફર વોરંટથી આરોપીને લઈ જવાની કામગીરી હાથ ધરી છે.