ભરૂચનાં અંકલેશ્વર પાનોલી જી.આઇ.ડી.સી.માં એગ્રો પેક કંપનીમાં થયેલી ચોરી અંગે ભરૂચ એલ.સી.બી. પી.એસ.આઈ. અને ટીમે બાકરોલ બ્રિજ નીચે બે ઈસમો થેલામાં જંતુનાશક દવાની બોટલ ભરી વેચાણ માટે ફરી રહ્યા હોવાની માહિતીના આધારે વોચ ગોઠવી બે ઈસમો અને જંતુનાશક દવા ખરીદ કરવા આવેલા બે એજન્ટોને ઝડપી પાડયા હતા. જોકે સંજાલી ગામનાં તળાવ પાસે રહેતો સંજય સુરેશ તડવી અને કોસમડી ગામના મોરા ફળિયામાં રહેતો મિતેષ વિષ્ણુ પટેલએ રૂપિયાની જરૂરિયાત ઉભી થતા ચોરી કરવાનું નક્કી કરી રેકી શરૂ કરી ચોરી કરી હતી અને જે દવા વેચવા માટે વૈભવ પાર્ક કાપોદ્રા પાટિયાના આકાશ પવાર અને શ્યામવિલા ભડકોદ્રાના ધનશ્યામ બંશી યાદવનો સંપર્ક કરી બાકોરલ બ્રિજ પાસે આપવા આવ્યા હતા.