ભરૂચનાં મક્તમપુરનાં બોરભાઠા બેટ વિસ્તારમાં રહેતાં બે પરિવાર વચ્ચે ધિંગાણું સર્જાયું હતું. જયારે બંને પક્ષની ફરિયાદનાં આધારે સી ડિવિઝન પોલીસે કુલ 5 જણા વિરૂદ્ધ ગુનો નોંધી કાર્યવાહી હાથ ધરી હતી. બનાવની વિગત એવી છે કે, ભરૂચના મક્તમપુર ગામે નર્મદા દર્શન સોસાટીમાં રહેતો ભાવીન ઉર્ફે ગુડ્ડુ રમેશ પટેલની માતા ઘરે હતી તે સમયે વિસ્તારમાં રહેતો દિપક મિસ્ત્રી તમારો પુત્ર ઝઘડાઓ કર્યાં કરે છે. તમે ઘર ખાલી કરી જતાં રહો તેવી ધમકીઓ આપી હતી. દરમિયાનમાં તે તેના મિત્રો સાથે બોરભાઠા બેટ વિસ્તારમાં આંટો મારવા ગયો તે સમયે દિપક તેમજ તેના મિત્રો હર્નિષ તથા હાર્દિકે તેની સાથે ઝઘડો કરી તેને માર માર્યો હતો.

જોકે આ ઘટનામાં મક્તમપુર ઇન્દિરા આવાસ ખાતે રહેતાં દિપક મહેશ મિસ્ત્રીએ ફરિયાદ નોંધવી હતી કે, ભાવીને તેમની વહુને ફોન કીર ધમકીઓ આપી હતી. જેથી તે ભાવિન ઉર્ફે ગુડ્ડુને સમજાવવા જતાં ભાવિન તેમજ તેની સાથેના કેયુર કાંતી પટેલે તેમના પર હુમલો કરી ગંભીર ઇજાઓ પહોંચાડી હતી. બનાવ સંદર્ભે સી ડિવિઝન પોલીસે સામસામે ફરિયાદમાં 5 જણા વિરૂદ્ધ ગુનો નોંધી આગળની કાર્યવાહી હાથ ધરી હતી.