અંકલેશ્વરની ડીસન્ટ હોટલ પાસે એસ.ટી. બસ અને કાર વચ્ચે અકસ્માત સર્જાયો હતો. જોકે અકસ્માતમાં કાર ચાલકનો આબાદ બચાવ થયો હતો. પરંતુ આ અકસ્માતમાં ટ્રાફિક જામની સમસ્યા સર્જાય હતી. મળતી માહિતી મુજબ, અંકલેશ્વરથી વાલિયા ચોકડી નજીક ડીસન્ટ હોટલ સામે એસ.ટી. બસ અને કાર વચ્ચે અકસ્માત સર્જાતા ટ્રાફિક જામની સમસ્યા સર્જાય હતી. અકસ્માતમાં કાર ચાલકનો આબાદ બચાવ થયો હતો.

જોકે કારને નુકસાન થવા પામ્યું હતું અને વાહનોથી ધમધમતાં માર્ગ પર થયેલાં અકસ્માતના કારણે ટ્રાફિક જામ થઇ જતાં અનેક વાહન ચાલકો અટવાયાં હતાં. અંકલેશ્વરની વાલિયા ચોકડી ખાતે વાહનોનું ભારણ વધી રહયું હોવાથી અકસ્માતના બનાવો વધી રહયાં છે. જયારે એસ.ટી. બસ અને કારને રોડની સાઇડ પર હટાવી પોલીસે વાહન વ્યવહાર રાબેતા મુજબ કરાવ્યો હતો.