ભરૂચનાં ઝઘડીયા તાલુકાની એક ગામની સગીરાને ઇક્કો ગાડીમાં બેસાડી માર્ગમાં દુષ્કર્મ ગુજારનાર નરાધમને ઝઘડિયા જી.આઈ.ડી.સી.પોલીસે ગણતરીનાં દિવસોમાં ઝડપી પાડી આગળની કાર્યવાહી હાથ ધરવામાં આવી હતી. સુત્રો પેથી મળતી માહિતી મુજબ, ભરૂચ જીલ્લા પોલીસ વડા ડૉ.લીના પાટીલએ ઝઘડિયા તાલુકાના એક ગામની 16 વર્ષીય સગીરા ઉપર એક અઠવાડિયા પહેલા ઇક્કો ગાડીમાં બેસાડી માર્ગમાં તેણી સાથે બળાત્કાર ગુજારી ફરાર થયેલ આરોપીને ઝડપી પાડવા સુચના આપી હતી.

જે સૂચનાને આધારે નાયબ પોલીસ અધિક્ષક ચિરાગ દેસાઈના માર્ગદર્શન હેઠળ ઝઘડિયા જી.આઈ.ડી.સી. પોલીસ મથકના પી.એસ.આઈ. બી.એસ.શેલાણાએ અલગ અલગ ટીમો બનાવી પેટ્રોલીંગમાં હતા. તે દરમિયાન બાતમી મળી હતી કે પોક્સો એકટ અને બળાત્કારના ગુનામાં સંડોવાયેલ મૂળ નેત્રંગ તાલુકાના બલદવા બામલ્લા કંપની અને હાલ માલજીપુરા ખાતે રહેતો આરોપી સતિષભાઇ રાજુભાઇ વસાવા અંકલેશ્વરના સજોદ ગામમાં ફરી રહ્યો છે જેવી બાતમીના આધારે પોલીસે વોચ ગોઠવી હતી અને આરોપી સતીશ વસાવાને ઝડપી પાડી વધુ તપાસ હાથ ધરી હતી.