અમદાવાદની જાણિતી એસ.વી.પી. હોસ્પિટલમાં ડાયાલિસિસ વોર્ડની છતનો ભાગ તૂટતાં અફરા તફરી મચી ગઈ હતી. હોસ્પિટલનાં 12માં માળે અચાનક છતનો કાટમાળ પડતાં પીઓપી સહિતનું સ્ટ્રક્ચર ધરાશાહી થયું હતું. જોકે ડાયાલિસિસ વોર્ડમાં દર્દીઓ નહીં હોવાથી મોટી જાનહાની ટળી હતી. ભૂતકાળમાં પણ POPની છત તૂટી પડી હતી. તેમજ ઓપરેશન થિયેટરમાં પણ પાણી પડ્યું હતું.

એસ.વી.પી. હોસ્પિટલનાં CEO ડો.સૌરભ પટેલે મીડિયા સાથેની જણાવ્યું હતું કે, રવિવારે હોસ્પિટલમાં ડાયાલિસિસ વોર્ડમાં RCCની છતમાં વચ્ચે લાગેલી પીઓપીની શીટ લગાવેલી છે. જે 5 જેટલી શીટ તૂટી છે. જોકે, જ્યાં દર્દીઓના બેડ છે. ત્યાં શીટ નથી પડી. ચાલવાનું પેસેજ છે ત્યાં શીટ તૂટી હતી. કોઈપણ પ્રકારની જાનહાનિ થઈ નથી. એસ.વી.પી. હોસ્પિટલમાં અવારનવાર છત પડવાની તેમજ પાણી પડવાની ઘટનાઓ બની ચુકી છે. હોસ્પિટલની B-2 વોર્ડની POPની છત તૂટી પડી હતી. જેને પગલે દર્દીઓને પાંચમાં માળે ખસેડવામાં આવ્યા હતા.