મનિષા એસ. સુર્યવંશી/તાપી : તાપી જિલ્લાનાં વ્યારા પોલીસ સ્ટેશનનાં ગુનાહિત વિશ્વાસઘાતનાં ગુન્હામાં છેલ્લા ૬ વર્ષથી નાસતો ફરતો વોન્ટેડ આરોપીને ભરૂચ ખાતેથી ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો તારીખ ૦૫/૧૦/૨૦૨૪નાં રોજ ખાનગી વાહનમાં પેટ્રોલીગમાં હતા.

તે દરમિયાન એ.એસ.આઈ. ગણપતસિંહ રૂપસિંહ તથા અ.હે.કો. વિનોદભાઈ પ્રતાપભાઈ નાઓને ખાનગી રાહે મળેલ બાતમીનાં આધારે, ભરૂચ ખાતેથી વ્યારા પોલીસ સ્ટેશનનાં ગુનાહિત વિશ્વાસઘાતનાં ગુન્હામાં છેલ્લા ૬ વર્ષથી નાસતો ફરતો વોન્ટેડ આરોપી ચેતન નારાયણભાઈ પાટીલ (ઉ.વ.૩૮., હાલ રહે.શહજાન, લક્ઝુરિયસ રૂમ નંબર ડી ૯૦૧, ભરૂચ, બી-૧૦૩, પેનીનસોલા પાર્ક ડી-માર્ટની પાસે, વિરાર, વેસ્ટ મુંબઈ)ને ઝડપી પાડી આગળની વધુ કાર્યવાહી હાથ ધરી હતી.