પલસાણાનાં બલેશ્વર ગામની સીમમાં નેશનલ હાઇવે પર આવેલ ગોકુલ હોટલ પાસે જાહેરમાંથી દેશી હાથ બનાવટની પીસ્તોલ સાથે વિનોદ નાગજીરામ મુંગીલાલ તૈલી (ઉ.વ.22, રહે.નીલમ હોટલની પાછળ કાન્તીભાઇ મારવાડીની બીલ્ડીંગમાં શાંતિનગર કડોદરા મુળ રહે.રાજસ્થાન) નાઓને ઝડપી પાડ્યો હતો જે ગુનામાં પોલીસે યુવાન વિરુદ્ધ આર્મ્સ એકટ હેઠળ ગુનો નોંધી તપાસ કરી હતી. જે ગુનામાં આરોપીએ આ પીસ્ટલ એક મહિના અગાઉ તેના ગામથી 15 કિલોમીટર દૂર આવેલા દૌલતગઢ તા.અસીન, જિ.ભીલવાડા) ખાતે રહેતા તેના મિત્ર બંટી એ તેને વેચાણ માટે આપી હોવાનું કબુલ્યું હતુ. પલસાણા પોલીસને આ ગુનાનો આરોપીનું રાજસ્થાનમાં લોકેશન મળતા પલસાણા પોલીસની એક ટિમ રાજસ્થાન ખાતે પોહચીને નાસતો ફરતો આરોપી મહેન્દ્રસિંગ ઉર્ફે બંટી રાજેન્દ્રસિંગ ઉદય સિંગ રાવણા (ઉ.વ.20, રહે.દૌલતગઢ, તા.અસીમ, જિ.ભીલવાડા) નાને ઝડપી પલસાણા ખાતે લાવવામાં આવ્યો હતો.