મનિષા એસ. સુર્યવંશી/તાપી : નિઝરનાં વાંકા ચાર રસ્તા પાસેથી જુગાર રમાડનાર એક આધેડ ઝડપાતા કાર્યવાહી હાથ ધરવામાં આવી હતી. મળતી માહિતી મુજબ, નિઝર પોલીસ સ્ટાફના માણસો શનિવારે ખાનગી વાહનમાં બેસી પ્રોહી. તથા જુગાર અંગેની રેઈડમાં નીકળ્યા હતા તે દરમિયાન ફરતા ફરતા વાંકા ચાર રસ્તા પાસે જાહેરમાં કેટલાક ઈસમો કઈક આપ-લે કરતા હોય પોલીસને તેઓની ઉપર જુગાર અંગેનો શક જતાં પોલીસે સ્થળ ઉપર જઈ રેઈડ કરતા સ્થળ ઉપરથી કેટલાક ઈસમો ભાગી છૂટ્યા હતા. જયારે તેમની સાથે બેસેલ એક ઈસમને પોલીસે ઝડપી પાડી તેનું નામ પૂછતા તેણે પોતાનું નામ, શાંતુભાઈ મોતિયાભાઈ પાડવી (રહે. અર્તુંલી ગામ, આદિવાસી ફળિયું, નિઝર)ના હોવાનું જણાવ્યું હતું. ત્યારબાદ પોલીસે તેની તપાસ હાથ ધરતા તેના હાથમાંથી મુંબઈ મિલન બજારથી નીકળતા આંકો લખેલ સ્લીપો તથા જુદા જુદા દરની ચલણી નોટો સહિતનો મુદ્દામાલ મળી આવ્યો હતો. બનાવ અંગે પોલીસે ઝડપાયેલ આધેડ વિરુદ્ધ ગુનો નોંધી કાર્યવાહી હાથ ધરવામાં આવી હતી.