વ્યારા વન વિભાગના સોનગઢ રેન્જમાં આવેલ ગુણસદા બીટમાં સોનગઢ તાલુકાનાં સિંગલખાંચ   ગામની આસપાસ વન્યપ્રાણી દીપડાની છેલ્લા 10 દિવસથી અવર-જવર જોવા મળી હતી જેને લઇ સ્થાનિક લોકોમાં ડરનો માહોલ છવાયો હતો ખેતી કામે માટે જતા ખેડૂતો માટે પણ વહેલી સવારે ખેતરે જવું મુશ્કેલ બન્યું હતું. જેથી ગ્રામજનોએ પાંજરું મુકવા વન વિભાગને રજૂઆત કરી હતી જેને પગલે તાપી કિનારે સૂર્યતાપેશ્વર મહાદેવ મંદિર નજીક પાંજરું મૂકવામાં આવ્યું હતું. જે દરમિયાન ગતરોજ વહેલી સવારે 4 વર્ષનો કદાવર દીપડો મારણ ખાવાનાં ઇરાદે આવતા પાંજરે પુરાયો હતો જેને જોવા આસપાસથી લોકોની ભીડ ઉમટી પડી હતી જોકે વન વિભાગની ટીમ તાત્કાલિક પાંજરા સહિત દીપડાને લઈ ગઈ હતી.