આહવાનાં અંતરિયાળ વિસ્તારના એક ગામમાં 18 વર્ષીય દિવ્યાંગ યુવતી પર દુષ્કર્મ કરતા ચકચાર મચી જવા પામી હતી. સુત્રો પાસેથી મળતી માહિતી મુજબ, આહવા તાલુકાનાં અંતરિયાળ ગામમાં એક 18 વર્ષીય મંદબુદ્ધિ યુવતી ઘરે એકલી હોય તેનો એકલતાનો લાભ ઉઠાવી શાંતારામ (ઉ.વ.55) નામના આધેડ વયના ઇસમે યુવતીને ઘરની પાછળ પજારીમાં લઈ જઈ દુષ્કર્મ કરી રહ્યો હતો. તે દરમિયાન બાજુના ઘરમાં રહેતી મહિલાએ આ કરતૂત જોઈ બુમાબુમ કરતા આસપાસનાં લોકો દોડી આવી યુવતીને આધેડના ચુંગાલમાંથી છોડાવી હતી. બનાવ અંગે યુવતીના પિતાએ આહવા પોલીસ સ્ટેશનમાં આધેડ શાંતારામ વિરુદ્ધ ફરિયાદ નોંધાવતા પી.એસ.આઈ.એ ગુનો નોંધી આરોપીની ધરપકડ કરી કાર્યવાહી હાથ ધરી હતી.