સોનગઢ તાલુકાના ટોકરવા ગામના બારી ફળિયામાં રહેતાં મગનભાઈ ગામીત (ઉ.વ.55) ખેતી અને મજૂરી કરી પરિવારનું ગુજરાન ચલાવે છે. જોકે મગનભાઈ બાઈક નંબર GJ/26/J/2880 લઈ કામ અર્થે સોનગઢ આવ્યાં હતાં. અને તેઓ કામ પૂર્ણ કરી મોડી સાંજે પરત ટોકરવા તરફ જવા નીકળ્યાં હતા.

તે સમયે આહવા હાઇવેના ચાંપાવાડી ગામની સીમમાં એક મારુતિ વેગન આર કાર નંબર GJ/13/AR/2189ના ચાલકે પોતાની વાન પૂરઝડપે હંકારી મગનભાઈની બાઈકને ટક્કર મારતાં તેઓ રોડની સાઈડ પર પટકાઈ જતાં ગંભીર રીતે ઇજાગ્રસ્ત થયા હતાં. જોકે આ અકસ્માત બાદ કાર ચાલક પોતાની કાર લઈ નાસી ગયો હતો. અકસ્માત અંગે જાણ થતાં લોકો દોડી આવ્યાં હતાં અને ગંભીર ઇજાગ્રસ્ત મગનભાઈ ગામીતને 108ની મદદથી સારવાર અર્થે સોનગઢ સરકારી દવાખાને લઈ આવ્યાં હતાં અને ત્યાંથી વધુ સારવાર અર્થે વ્યારા જનરલ હોસ્પિટલમાં ખસેડાયા હતાં. અકસ્માત અંગે મગનભાઈના દીકરા રણજિત ગામીતે સોનગઢ પોલીસ મથકે અજાણ્યા કાર ચાલક સામે ગુનો નોંધાવતા પોલીસે આગળની વધુ તપાસ હાથ ધરી હતી.