ભાવનગરનાં સિહોર તાલુકાનાં સણોસરા ગામે યુવાન વાડીએથી સણોસરા ચાલીને આવતા હતા. તે દરમ્યાન સરસ જીનીંગ મીલ પાસે પહોંચતા રંઘોળા તરફથી બાઈક અડફેટે લેતા યુવકને ઇજાગ્રસ્ત હાલતમાં હોસ્પિટલે ખસેડાયા હતા. જ્યાં તેમનું સારવાર દરમિયાન મોત નિપજ્યું હતું.

મળતી વિગતો અનુસાર, સિહોર તાલુકાનાં સણોસરા ગામના વતની અને હાલ સુરતના વરાછા ખાતે રહેતા રમેશભાઇ કાનજીભાઈ ચૌહાણના ભાઈ સુરેશભાઈ કાનજીભાઈ ચૌહાણ પોતાની વાડીએથી સણોસરા ચાલીને આવતા હતા. તે દરમ્યાન સરસ જીનીંગ મીલ પાસે પહોંચતા રંઘોળા તરફથી બાઈકના ચાલકે પોતાનું બાઈક પુરઝડપે અને ગફલતભરી રીતે ચલાવી સુરેશભાઈ સાથે બાઈક ભટકાડી દેતા માથાના ભાગે તથા શરીરે ગંભીર ઈજા થતાં ૧૦૮ એમ્બ્યુલન્સ મારફતે સારવાર માટે પ્રથમ સિહોરની હોસ્પિટલમાં ખસેડવામાં આવેલ જ્યાં તેમની સ્થિતિ કથળતા વઘુ સારવાર માટે ભાવનગરની સર ટી હોસ્પિટલે ખસેડવામાં આવ્યા હતા. જ્યાં સારવાર દરમિયાન તેમનું મોત નિપજ્યું હતું. બનાવ સંદર્ભે મૃતકના ભાઈ રમેશભાઇએ પોલીસ મથકનાં કાર ચાલક વિરૂધ્ધ ફરિયાદ નોંધાવતા પોલીસે વધુ તપાસ હાથ ધરી હતી.