પાંડેસરા જલારામનગરમાં આવેલ માર્કેટમાં ખરીદી કરવા માટે ગયેલી મહિલાની નજર ચુકવી અજાણ્યો રોકડા ૫ હજાર અને  મોબાઈલ મુકેલ પર્સ ચોરી કરી નાસી ગયો હતો.

પોલીસના જણાવ્યા મુજબ ઉધના કલ્યાણકુટીર ખાતે રહેતા નિકિતાબેન વિનોદભાઈ તિરમલે (ઉ.વ.૨૨) ગત તા ૧૯મી ઓક્ટોબરના રોજ પાંડેસરા ગુ.હા,બોર્ડ જલારામનગરમાં આવેલ માર્કેટમાં ખરીદી કરવા માટે ગયા હતા. તે વખતે ભીડનો લાભ ઉઠાવી કોઈ અજાણ્યો તેમની નજર ચુકવી પર્સ ચોરી કરી નાસી ગયો હતો પર્સમાં નિકિતાબેનના રોકડા ૫ હજાર અને મોબાઈલ ફોન હતો. પોલીસે નિકીતાબેનની ફરિયાદ લઈ તપાસ હાથ ધરી છે.