કેશોદ ની એલ.કે.હાઈસ્કૂલમાં થયેલ માથાકૂટ મામલે કોઈ ફરિયાદ નોંધાઈ ન હોવાનું જાણવા મળી રહ્યું છે આ અંગે મળતી વિગત મુજબ કેશોદની એલ.કે.હાઈસ્કૂલ માં મતદાન ચાલતું હતું દરમિયાન ત્યાં માથાકૂટ થઈ હોવાની 1:50 વાગ્યે રજૂઆત મળતા સેક્ટર મોબાઈલ ઇન્ચાર્જ દીપસિંહ ડોડીયા પોતાના સ્ટાફ સાથે તુરંત એલ.કે.હાઇસ્કુલ ખાતે પહોંચ્યા હતા તે દરમિયાન જ્યારે તેઓ પહોંચ્યા ત્યારે સંપૂર્ણ શાંતિ હતી અને મતદાન પ્રક્રિયા પણ નિર્વિઘ્ને ચાલતી હોય કોઈ માથાકૂટ થતી હોવાનું જણાયું ન હતું.

જોકે મતદાન મથકની બહાર નીકળતા રમેશ ભોપાળા નામના કોંગ્રેસ ના કાર્યકર મતદાન એજન્ટ મળવા આવ્યા હતા તેમણે જણાવેલ કે ભાજપના કાર્યકરોએ અમારી સાથે માથાકૂટ કરી છે બાદમાં રમેશભાઈએ માથાકૂટ કરનાર સામે ફરિયાદ નોંધાવવા પોલીસ સ્ટેશનને આવવા જણાવ્યું હતું જો કે અમારે કોઈ ફરિયાદ કરવી નથી તેમ કહી રમેશભાઈ ભોપાળા જતા રહ્યા હતા. આમ આ મામલે કોઈ ફરિયાદ થયેલ નથી તેમજ આ બનાવ પણ મતદાન મથકની 200 મીટર બહાર બન્યો હોવાનું કેશોદ પોલીસ સ્ટેશન ના પીઆઈ બીબી. કોળીએ જણાવ્યું હતું.