મનિષા એસ. સુર્યવંશી/તાપી : વ્યારા નગરનાં કાનપુરા વિસ્તારના ખટાર ફળિયાનાં બરસાના રેસીડન્સીની સામે મારામારી થયાનો બનાવ વ્યારા પોલીસ મથકે નોંધવામાં આવ્યો છે. મળતી માહિતી મુજબ, વ્યારાનાં કાનપુરા વિસ્તારનાં ખટાર ફળિયામાં રહેતો પ્રકાશભાઈ કોટલાભાઈ ચૌધરી નાએ પોતાની પત્નીનાં સંબંધ હોવાના વહેમમાં રવિવારનાં રોજ મોડી સાંજે બરસાના રેસીડન્સી સામે અજયભાઈ રમેશભાઈ ગામીત અને સુનીલભાઈ રમેશભાઈ ગામીત (બંને રહે.ખટાર ફળિયું, કાનપુર, વ્યારા) બંને ભાઈઓને જાનથી મારી નાંખવાના ઈરાદે સિમેન્ટ ઉંચકવાના લોખંડનાં આંકડાથી માથામાં, પગમાં અને ગળામાં મારતા ગંભીર ઈજાઓ પહોંચતા વ્યારા જનરલ હોસ્પિટલમાં સારવાર માટે ખસેડાયા હતા. બનાવ અંગે અજયભાઈની પત્ની કવિતાબેનએ વ્યારા પોલીસ મથકે પ્રકાશ ચૌધરી વિરુદ્ધ પોલીસ ફરિયાદ નોંધાવતા પોલીસે ગુનો નોંધી આગળની વધુ કાર્યવાહી હાથ ધરી હતી.