નહેરુ યુવા કેન્દ્ર-સુરત દ્વારા હજીરા રોડ સ્થિત ઓરો યુનિવર્સિટી ખાતે મતદાન જાગૃતિ અને નોંધણી કાર્યક્રમ યોજાયો હતો. જેમાં મોટી સંખ્યામાં વિદ્યાર્થીઓએ ભાગ લઈ નોંધણી તેમજ મતદાન પ્રક્રિયા વિષે સમજ મેળવી હતી. આ કાર્યક્રમમાં વિદ્યાર્થીઓને ઈવીએમનો ડેમો આપી સમગ્ર મતદાન પ્રક્રિયા તેમજ લોકશાહીમાં તેમની મહત્વની ભૂમિકા વિષે સમજાવ્યું હતું. સાથે જ તેઓને મતદાન નોંધણી અને તેમા સુધારા માટેની ઓનલાઈન પ્રક્રિયાની જાણકારી આપી મતદાન કરવા પ્રોત્સાહિત કર્યા હતા. આ પ્રસંગે ચોર્યાસી મામલતદાર, નાયબ મામલતદાર, ટેકનિકલ અધિકારી, નેહરુ યુવા કેન્દ્રના જિલ્લા યુવા અધિકારી, ઓરો યુનિવર્સિટીના તથા આસિ. પ્રોફેસર, સહિત અન્ય કર્મચારીઓ અને વિદ્યાર્થીઓ હાજર રહ્યા હતા.