આગામી ચોમાસાને અનુલક્ષીને તાપી જિલ્લામાં વિવિધ વિભાગો દ્વારા પ્રિ-મોનસુનની કામગીરી હાથ ધરવામાં આવી છે. જે અન્વ્યે વ્યારા નગરપાલીકા દ્વારા ડ્રેનેજ વ્યવસ્થા, ગટર, નદી સાફ-સફાઇ વગેરેની કામગીરી શરૂ કરવામાં આવી છે. આ માટે ખાસ વ્યારા નગરપાલિકામાં કુલ સાત વોર્ડમાં સાત સેનિટેશન સુપરવાઇઝરોની નિમણૂંક કરવામાં આવી છે.

જેઓ દ્વારા નગરના જે-તે વોર્ડમાં આવેલા વરસાદી ચેમ્બરો, ગટરો, ગરનાળાઓની સફાઇની કામગીરી ઉપર દેખરેખ રાખવામાં આવે છે. નગરમાં ચોક-અપ થયેલ વરસાદી ચેમ્બરને જેટીંગ મશીન દ્વારા ચાલુ કરી ખુલ્લા કરવામાં આવ્યા છે. નોંધનિય છે કે, વ્યારા નગરપાલિકા વિસ્તારની આશરે ૬૦ થી ૬૫ ટકા જેટલી પ્રિ-મોનસુન કામગીરી પૂર્ણ કરવામાં આવેલ છે. બીકીની પ્રિ-મોન્સુન કામગીરી હાલમાં ચાલુ છે. જેને ટુંક સમયમા પુરી કરવામાં આવશે એમ ચીફ ઓફિસર વ્યારા દ્વારા જણાવાયું છે.