વાપીથી વાયા સુરત થઈ પાલનપુર જતી રાજ્ય ધોરી માર્ગ પરિવહનની બસને પારડી પોલીસેએ પોલીસ મથકની સામે જ રોકી તેમાં તપાસ હાથ ધરતા બે મહિલા દારૂના જથ્થા સાથે ઝડપાઈ ગઈ હતી.

પારડી પોલીસે બસના ડ્રાઈવર સોમાભાઈ શંકરભાઈ ચૌહાણ તથા ક્લીનર દિલીપભાઈ મદારજીભાઈ ઠાકોરને સાથે રાખી બસમાં બેસેલા પાર્વતીબેન ભરતભાઈ પટેલ(રહે.અમલસાડ) તથા જયશ્રીબેન ગોવિંદભાઈ ટંડેલ(રહે.કોસંબા)ના કબ્જામાંથી દારૂની ૪૧૭ બોટલ મળી આવી કુલ રૂપિયા ૨૭૮૫૦/- દારૂનો જથ્થો જપ્ત કરી પોલીસે બંને મહિલાની ધરપકડ કરી આગળની કાર્યવાહી હાથ ધરી છે.