વાપીથી વલસાડ રૂટની એસ.ટી બસ નંબર જીજે/18/ઝેડ/6067માં દારૂનો જથ્થો લઈને 4 મહિલાઓ મુસાફરી કરી રહી જે બાતમીના આધારે પારડી પોલીસે હાઈવે ચાર રસ્તા ફ્લાઈ ઓવર બ્રિજના દક્ષીણ છેડે વોચ ગોઠવી વાપી તરફથી ધસી આવતી બાતમીવાળી બસને રોકી હતી.

ત્યારબાદ પોલીસએ બસમાં ચઢી ડ્રાઈવર તથા બસ કંડકટર સાથે રાખી મુસાફરોને ચેક કરતા બસની પાછળની સીટ ઉપર બેસેલી 4 મહિલાઓ જેમાં, કોકિલા અમૃત પટેલ(રહે.પોસરી,ગણદેવી), મંજુર ઈશ્વર પટેલ(રહે.બીગરી તા.ગણદેવી), લખી નગીન હળપતિ(રહે.ધનોરી) તથા રેખા રોહિત પટેલ(રહે.નાની કરોડ,તા.જાલાપોર) પાસે રાખેલા કાપડના થેલામાં 516 દારૂની બોટલો મળી આવી હતી જેની કીંમત રૂપિયા 38,950/- હતી. આ મહિલાઓ પાસ પરમીટ વગર દારૂનું વહન કરી રહી હોવાથી પોલીસે તમામ દારૂનો જથ્થો કબ્જે કરી પોલીસે ચારેય મહિલા ઓની અટક કરી તેમણી સામે ગુનો નોંધી તપાસ હાથ ધરી હતી.