જોગવેલ ગામના મોહમાળ ફળીયામાં રહેતો સુરજ રામુભાઈ ભીલાડની એક ખાનગી કંપનીમાં નોકરી કરીને પરિવારજનો ને મદદરૂપ થતો હતો. સુરજની બહેન રીના અને બનેવી સાગર શંકરભાઈ પટેલ જોગવેલ ગામે આવ્યા હતા બહેન રીના નાનાપોંઢા સરકારી પશુ દવાખાનામાં ફરજ બજાવતી હોય, સુરજ બહેનને મુકવા માટે તેના બનેવીની પલ્સર બાઈક નં.જીજે/15/એબી/2257 લઈને ગયો હતો બહેનેન મુકીને પરત ઘરે ફરતી વેળા, કાકડકોપર ગામના નિશાળ ફળિયા પાસેથી તે પસાર થતો હતો તે સમયે માટીનો જથ્થો ભરીને પુરઝડપે પસાર થઈ રહેલો ટેમ્પો નં.જીજે/7/એક્ષ/5892ના ચાલકે રોંગ સાઈડથી આવીને સુરજની બાઈકને ટક્કર મારતા અકસ્માત થયો હતો જેમાં ગંભીર રીતે ઈજા પામેલા સૂરજનું ઘટના સ્થળે જ મૃત્યુ થયું હતું. અકસ્માત સર્જનાર ટેમ્પો ચાલક સ્થળ પરથી ભાગી છૂટ્યો હતો.

આ બનાવ અંગે મૃતકના પિતા રામુભાઈએ ટેમ્પો ચાલક વિરુદ્દ ફરિયાદ નોંધાવતા પોલીસએ ગુનો નોંધી આગળની તપાસ હાથ ધરી છે.