વલસાડ જિલ્લા પોલીસ અધિક્ષકની સૂચના અન્વયે જિલ્લા પોલીસ દ્વારા વલસાડ જિલ્લાના વિવિધ પોલીસ મથકોમાં નોંધાયેલા અલગ અલગ પ્રકારના ગુનાઓમાં સંડોવાયેલા અને વોન્ટેડ આરોપીઓને ઝડપી પાડવાની કવાયત હાથ ધરાઈ છે. તે દરમિયાન વલસાડ એલ.સી.બી.ની ટીમને ધરમપુર પોલીસ મથકમાં વર્ષ 2011માં નોંધાયેલા પ્રોહિબિશનના ગુનામાં સંડોવાયેલો આરોપી દક્ષેશ ઉર્ફે દીક્ષુ ઉર્ફે દીક્ષિત દોલતભાઈ પટેલ (રહે.ડુંગરી ફળિયા, વટાર ગામ, તા.વાપી) તેના ઘરે હાજર હોવાની બાતમી મળી હતી. જે બાતમીને આધારે એલ.સી.બી.ની ટીમે છેલ્લા 14 વર્ષથી ફરાર વોન્ટેડ આરોપીને ઝડપી પાડયો હતો. આમ એલ.સી.બી.ની ટીમે વોન્ટેડ આરોપીનો કબજો ધરમપુર પોલીસને સોંપતા, ધરમપુર પોલીસે વધુ તપાસ હાથ ધરી હતી.