વલસાડ એલ.સી.બી. પોલીસની ટીમ વલસાડ જિલ્લામાં ખાનગી વાહનમાં પેટ્રોલીંગમાં હતા. તે દરમિયાન તે વાપી યુ.પી.એલ. ઓવર બ્રિજ પાસે આવતા તેને ખાનગી રાહે બાતમી મળી હતી કે, મહિન્દ્રા પીકઅપનો ચાલક તથા ક્લીનર સેલવાસથી ગેરકાયદેસર દારૂનો જથ્થો ભરીને નીકળ્યો છે. આ બાતમીને આધારે એલ.સી.બી.ની ટીમે વોચ રાખતા બાતમીવાળો ટેમ્પો ત્યાં આવ્યો હતો. તેથી એલસીબીની ટીમે તેને અટકાવી તપાસ કરતા અંદરથી દારૂ બિયર ટીન બાટલી ૨૩૦૪ જેની કિંમત રૂપિયા ૨,૭૧૪,૨૦૦/- મળી આવી હતી.

આ સાથે જ પોલીસે વાહન ચાલક પવન જયસીગ જાધવ (રહે.હલધરૂ, ગ્રીનપાર્ક સોસાયટી, પલસાણા) અને ક્લીનર મનોજ જયદેવ પાટીલ (રહે.ચાચરીયા,તા.સેધવા, જિ.બરવાના)ની અટક કરી અંગ ઝડતી લેતા એક મોબાઈલ ફોન  મળી આવ્યો હતો. આમ, પોલીસે દારૂ ઉપરાંત ફોન અને પીકઅપ ટેમ્પો મળી કુલ રૂપિયા ૫,૭૬,૨૦૦/-નો પ્રોહી. મુદ્દામાલ કબ્જે કર્યો હતો. આ પ્રોહી જથ્થો ભરાવનાર- મંગાવનાર આરોપી બ્રિજેશકુમાર (રહે.સુરત) તથા પ્રોહી. જથ્થો ભરીને પીકઅપ આપી જનાર બ્રિજેશકુમારનાં ઓળખીતા ઈસમને વોન્ટેડ જાહેર કરાયા હતા.