પારડી પોલીસ પેટ્રોલિંગ હતી તે સમય દરમિયાન મળેલ બાતમીના આધારે, સેલવાસથી પાટણ જતી બસ એસટી બસ નંબર જીજે/18/ઝેડ/1616માં વાપી ડેપોથી 5 મહિલા દારૂના જથ્થા સાથે બેઠી છે અને બસ વાપી ડેપોથી ઉપડી ચુકી છે તેથી પારડી પોલીસે તાત્કાલિક પારડી વલસાડી ઝાંપા હાઈવે ઉપર વોચ ગોઠવી હતી.

 

 

 

તે સમય દરમિયાન બાતમીવાળી બસ આવતી દેખાતા બસ ડ્રાઈવરને બસ રોકવાનો ઈશારો કરતા બસ ડ્રાઈવરે બસ ઉભી રાખી હતી અને ત્યારબાદ પોલીસ બસમાં ચઢી બસ ડ્રાઈવર અને કંડકટરને સાથે રાખી બસના મુસાફરોના થેલા તપાસતા બસની છેલ્લેથી બીજી જમણી સાઈટ સીટ ઉપર બેઠેલી મહિલાઓ  પાસેથી દારૂની કુલ 331 બોટલો પાસ પરમીટ વગર મળી આવી હતી.

 

 

પારડી પોલીસે મહિલા બુટલેગર રમીલા નવીન હળપતિ, પુષ્પા અશોક પટેલ, ભૂમિકા નીતિન પટેલ, લખી નવીન હળપતિ, તથા લતા ચંદુ પટેલ (તમામ રહે.નવસારી) ઓની અટક કરી આગળની કાર્યવાહી હાથ ધરી હતી.