ઉમરગામ તાલુકાના સરીગામ ખાતે આવેલી ક્રિષ્ણા સ્ટોન ક્વોરીમાં ગતરોજ બપોરના સમયે ક્વોરીની ખીણમાં મજૂરો કામ કરી રહ્યાં હતાં. જે દરમ્યાન ઉપરથી પથ્થરો ઘસી આવતા ક્વોરીમાં કામ કરી રહેલા ભેરુલાલ નેનુરામ બલાઇ (ઉ.વ. 32) અને યમનીબેન માહીરામ આશરિયા (ઉ.વ.36) દટાઈ ગયા હતા. જેથી તેમને ત્યાના અન્યો મજૂરોએ બહાર કાઢી સારવાર માટે ભીલાડ સરકારી હોસ્પિટલમાં ખસેડવામાં આવ્યા હતા. જ્યાં હાજર તબીબે બંનેને મૃત જાહેર કર્યા હતા. બનાવ અંગે ભીલાડ પોલીસને જાણ કરતા ભીલાડ પોલીસ ભીલાડ સામુહિક આરોગ્ય કેન્દ્રમાં પહોંચી ગઈ હતી.