વલસાડના છીપવાડમાં અનાજની દુકાન માંથી ચાંદીના સિક્કા અને રોકડ રકમની ચોરી થઈ હતી.

વલસાડના છીપવાડના ભાઈલાલ પટેલ રોડ પર આવેલા મનીષ ટ્રેડીંગ નામની અનાજની દુકાનમાં રાત્રીના સમયે અજાણ્યા ચોરટાઓએ દુકાનની બાજુમાં આવેલી અનાજ દળવાની ઘંટીની પતરાની તૂટી ગયેલી કમ્પાઉન્ડ વોલમાંથી દુકાનની અંદર પ્રવેશ કર્યા બાદ અંદરથી ચાંદીના સિક્કા તથા ગલ્લામાં મુકેલા 500 થી 600 રૂપિયા રોકડાની ચોરટાઓએ ચોરી કરી ગયા હતા. ચોરટાઓએ દુકાનના અંદરના ભાગે આવેલા શટરની પાછળ વજનદાર ગ્રેબાઈટનો પથ્થર મૂકી દીધો હતો. જેથી કોઈ અંદર આવી શકે નહિ. દુકાનના સીસીટીવી કેમેરામાં બે અજાણ્યા ચોરટાઓ કેદ થયા હતા. જે અંગે દુકાનદાર મનીષભાઈ રાણાએ પોલીસ ફરિયાદ કરી હતી.