વલસાડના કુંડી ગામના દેસાઈવાડના 34 વર્ષીય જીતેશ કાળીદાસ રાઠોડ મોડી સાંજે વલસાડ નજીકના સરોણ ગામના હાઈવે પાસે પહોચ્યા હતા. જીતેશ રોડ ક્રોસ કરવાનો પ્રયાસ કરી રહ્યા હતા. તે સમય દરમિયાન હાઈવે પરથી પસાર થઈ રહેલ એક અજાણી કારએ જીતેશને અડફેટે લેતા તેને ગંભીર ઈજા થઈ હતી. ઈજાગ્રસ્ત યુવકને સારવાર માટે વલસાડની સિવિલ હોસ્પીટલમાં દાખલ કરવામાં આવ્યો હતો જ્યાં સારવાર દરમિયાન જીતેશનું મોત નીપજ્યું હતું.

આ ઘટના અંગે જીતેશના મોટા ભાઈ રાકેશભાઈ રાઠોડે અકસ્માત સર્જી ફરાર થઈ જનાર અજાણ્યા વાહન ચાલક વિરુદ્ધ વલસાડ રૂરલ પોલીસ મથકે ગુનો નોંધાવ્યો હતો પોલીસે ગુનો નોંધી આગળની કાર્યવાહી હાથ ધરી હતી.