ઉમરગામ તાલુકાના ભીલાડ ખાતેના નરોલી ઓવરબ્રીજ પાસે મુંબઈથી વાપી તરફ જતા હાઈવે ઉપર રાત્રિના સમયે કોઈ અજાણ્યા વાહન ચાલકે પોતાનું વાહન પુરઝડપે અને ગફલતભરી રીતે હંકારી લાવી રોડ ક્રોસ કરી રહેલા એક અજાણ્યા યુવાનનું મોત નીપજ્યું હતું.

આ યુવાને ગુલાબી કલરનું હાફ બાઈનું ટી-શર્ટ અને બ્લ્યુ કલરનું જીન્સ પેન્ટ પહેરેલ છે. વાહને તેને અડફેટે લેતા માથાના તથા શરીરના ભાગે ગંભીર ઈજા પહોંચાડી અજાણ્યો વાહન ચાલક ભાગી છુટ્યો હતો. આ બનાવ અંગે ભીલાડ પોલીસ સ્ટેશનમાં ફરમાન ખાનએ ફરિયાદ આપતા પોલીસે અજાણ્યા વાહન ચાલક વિરુદ્દ ગુનો નોંધી વધુ તપાસ હાથ ધરી હતી.