કપરાડા તાલુકાનાં નાનાપોઢા વન વિભાગનાં અધિકારીને મળેલ બાતમીનાં આધારે ચીવલ મરીમાતા પાસેથી સોલેલા ખેર ક્વોલિશ કારમાં ખેરના લાકડા ભરી પસાર થનાર છે જે બાતમીના આધારે, વન વિભાગનાં અધિકારી તથા તેમનો સ્ટાફ સાથે વોચ ગોઠવી હતી તે સમય દરમિયાન મરીમાતાથી નાનાપોઢા તરફ જવાના માર્ગ ઉપર ક્વોલિશ કાર નંબર જીજે/09/એમ/7191 આવતા જોઈ તેને રોકવાની કોશિશ કરી હતી. જોકે કાર ચાલક વન વિભાગનાં અધિકારીને ઓળખી જતા ચાલકે કારને હંકારી ભાગનાવી કોશિશ કરી હતી અને થોડે દૂર જઈ કાર ચાલક અંધારાનો લાભ લઈ કાર મુકી ફરાર થઈ ગયો હતો.

ત્યારબાદ વન વિભાગનાં અધિકારીએ કારમાં તપાસ કરતા અંદર ગેરકાયદે સોલેલા ખેરના લાકડાં મળી આવ્યા હતા. આમ, ખેર ભરેલી કારને રેંજમાં લાવી કબ્જો લઈ ખેરનો મુદ્દામાલ જપ્ત કરી કાયદેસરની કાર્યવાહી હાથ ધરી હતી જેમાં ખેરના લાકડાં નંગ 47 જેની કિંમત 20,944/- અને ક્વોલિશ કાર જેની કીંમત રૂપિયા 50 હજાર હતી.