વલસાડ એલસીબી ની ટીમે વલસાડ-ધરમપુર રોડ ચોકડી પાસે મિલકત-સંબંધી ગુનાઓ શોધવા હાથ ધરેલા પેટ્રોલિંગ દરમિયાન, ક્વોલીસ નંબર જીજે/16/એએ/3535માં દારૂ અને બીયરનો જથ્થો ભરીને સુરત તરફ મોકલવામાં આવનાર હોવાની મળેલી બાતમીના આધારે એલસીબી ની ટીમે વોચ ગોઠવી હતી. તે દરમિયાન ત્યાં આવી પહોંચેલી બાતમીવાળી ગાડીને અટકાવીને તપાસ હાથ ધરતા અંદરથી દારૂ અને બીયરની 756 બોટલો મળી આવી હતી જેની કીંમત રૂપિયા 1,41,600/- તથા પોલીસે ક્વોલીસ ગાડી અને 1 મોબઈલ મળી કુલ રૂપિયા 2,92,600/-ના મુદ્દામાલ સાથે ચાલક રીઝવાન યુસુફ મલેકની ધરપકડ કરી હતી.

આ બનાવમાં પોલીસએ દારૂ અને બીયરનો જથ્થો ભરાવનાર ચોટલો નામનો ઈસમ અને દારૂ મંગાવનાર મહેશ ઉર્ફે કિશોર નામના શખ્સને વોન્ડેટ જાહેર કર્યા છે. પોલીસે ગુનો નોંધી આગળની કાર્યવાહી હાથ ધરી હતી.