વડોદરા મ્યુનિસિપલ કોર્પોરેશનનાં કમિશનરની બદલી થતાં તેઓએ આજે ચાર્જ છોડી દીધો છે, જ્યારે નવા મ્યુનિસિપલ કમિશનર બુધવારે સવારે ચાર્જ લેનાર છે તેમ જાણવા મળે છે. વડોદરા મ્યુનિસિપલ કમિશનર બંછા નિધી પાણીની નિમણૂક થયાને પાંચ મહિનાનો સમય પૂર્ણ થયો હતો ત્યાં જ ગુજરાત સરકારે તેઓની બદલી ટેકનિકલ શિક્ષણ વિભાગમાં કરવાનો હુકમ કર્યો હતો જે બાદ તેઓએ આજે વડોદરા મ્યુનિસિપલ કમિશનરના હોદ્દાનો ચાર્જ છોડી દીધો હતો તેમનો હવાલો ડેપ્યુટી કમિશનર પ્રજાપતિને સુપ્રત કરવામાં આવ્યો છે. દરમિયાનમાં જાણવા મળતી માહિતી પ્રમાણે કચ્છ ભુજના કલેકટરની નિમણૂક વડોદરા મ્યુનિસિપલ કોર્પોરેશનના કમિશનર તરીકે થઈ છે તેઓ આગામી બુધવારનાં રોજ સવારે 10:30 કલાકે હોદ્દો અખત તૈયાર કરશે તેમ જાણવા મળે છે.