વલસાડના પારનેરા હાઈવે પાસેથી રાત્રીના સમયે એક અજાણ્યા રાહદારીને વાહન ચાલકે અડફેટે લેતા તેને ગંભીર ઈજા થઈ હતી. રાહદારીને ગંભીર ઈજા થતા તેણે સારવાર માટે હોસ્પિટલ લઈ જવા માટે ૧૦૮ એમ્બ્યુલન્સની મદદ લેવાઈ હતી.

જ્યારે ૧૦૮ના કર્મચારીએ અજાણ્યા ઈસમને તપાસી ને તેણે મૃત જાહેર કર્યો હતો. મૃતકના ખિસ્સામાંથી આધારકાર્ડ અને ડ્રાઈવિંગ લાઈસન્સ મળી આવતા તેનું નામ કમલેશકુમાર નંદલાલ પ્રસાદ(રહે.વાસુપુર, તા.સાહાબગંજ, જી.પ્રતાપગઢ)હોવાનું જાણવા મળ્યું છે. આ બાબતે હોટલના સંચાલક કાનારામ પ્રજાપતિ એ વલસાડ રૂરલ પોલીસ મથક માં અકસ્માત સર્જનાર અજાણ્યા વાહન ચાલક સામે ફરિયાદ નોંધાવતા પોલીસે ગુનો નોંધી આગળની વધુ કાર્યવાહી હાથ ધરી છે.