કચરા મુક્ત ભારત અને કચરા મુક્ત રાજ્ય કરવાની નેમ સાથે દેશભરમાં શરૂ કરાયેલી મુહિમ અંતર્ગત દરેક રાજ્ય અને શહેર-ગામોમાં વિવિધ પ્રવુત્તિઓ કરાઇ રહી છે. ત્યારે બારડોલી નગરપાલિકા દ્વારા ધુલિયા ચોકડી ફ્લાયઓવર બ્રિજ અને તેની આજુબાજુના વિસ્તારોની સાફ-સફાઇ કરવામાં આવી હતી. તા.૧ ઓક્ટોબરથી રાષ્ટ્રવ્યાપી શરૂ થયેલા ‘સ્વચ્છતા હી સેવા અભિયાન’ને બહોળા પ્રમાણમાં જનસમર્થન મળી રહ્યું છે. આગામી ૨ મહિના સુધી આ અભિયાનને લંબાવીને સમગ્ર રાજ્યને સ્વચ્છ, નિર્મળ અને સુઘડ બનાવવા રાજ્ય સરકાર દ્વારા આગોતરું આયોજન કરવામાં આવ્યું છે. આ ઉપરાંત સફાઈ ઝુંબેશને વધુ અસરકારક બનાવવા જનભાગીદારી થકી ઠેર ઠેર સ્વચ્છતાલક્ષી વિવિધ પ્રવૃત્તિઓણું આયોજન થઈ રહ્યું છે. જેના પરિણામે સફાઇ ઝુંબેશ જન આંદોલનમાં પરિણમ્યું છે.