જાહેરમાર્ગ પર પુરપાટ ઝડપે વાહન હંકારતા વાહનો ચાલકો સામે ઉકાઈ પોલીસે લાલ આંખ કરી છે,

ઉકાઈના જીઇબી ગેટ પાસે નરેશભાઈ બાબુભાઈ વસાવા રહે,નીંદવાડા,ઘાટફળિયું-સોનગઢ નાઓ પોતાની કબજાની મોટર સાયકલ નંબર જીજે/26/એફ/4584 ને પુર ઝડપે અને ગફલતભરી રીતે હંકારતા પકડાઈ ગયા હતા, આ બનાવમાં પોલીસ કોન્સ્ટેબલ પ્રકાશભાઈ રામાભાઈની ફરિયાદના આધારે ગુનો દાખલ કરવામાં આવ્યો હતો.

જયારે બીજા બનાવમાં ઉકાઈ કેલ્સ હોટલ પાસે સુનીલભાઈ જાલમસિંગભાઈ વસાવા રહે, લિંબી, પીપળ ફળિયું-સોનગઢ નો પોતાની કબજાની મોટર સાયકલ નંબર જીજે/19/એન/114 ને પુર ઝડપે અને ગફલતભરી રીતે હંકારી પોતાની તથા રાહદારીનો જીવ જોખમમાં મુકાય તે રીતે ચલાવતા પકડાઈ ગયો હતો આ બનાવમાં પોલીસ કોન્સ્ટેબલ સંદીપભાઈની ફરિયાદના આધારે ઉકાઈ પોલીસે મથકે ગુનો દાખલ કરી નિયમોનુસારની કાર્યવાહી હાથ ધરવામાં આવી હતી.