સુરત શહેર-જિલ્લામાં આજે સતત ચોથા દિવસે પણ મેઘ મહેર યથાવત્ રહેવા પામી છે. આજે વહેલી સવારથી શહેરના અલગ - અલગ ઝોન વિસ્તારમાં હળવાથી ભારે વરસાદી ઝાપટા નોંધાયા છે. અલબત્ત ઉકાઇ ડેમના ઉપરવાસમાં એકધારા વરસાદને પગલે છેલ્લા ૨૪ કલાકમાં જ ડેમની સપાટીમાં સડસડાટ બે ફુટનો વધારો નોંધાયો છે. હાલ ઉકાઇ ડેમમાં ૧.૪૩ લાખ ક્યુસેક પાણીની આવક સાથે સપાટી ૩૩૬ ફુટને વટાવી ચુકી છે. 

 

 

 

 

 

હવામાન વિભાગ દ્વારા જાણવા મળતી માહિતી મુજબ આજે વહેલી સવારે છ વાગ્યાથી બપોરે ૧૨ વાગ્યા સુધીમાં શહેરના સેન્ટ્રલ ઝોનમાં સૌથી વધુ ચાર મીમી વરસાદ નોંધાયો છે. આ સિવાય વરાછા ઝોન બીમાં ત્રણ મીમી, વરાછા ઝોન એમાં બે મીમી, લિંબાયતમાં એક મીમી વરસાદ નોંધાયો છે. જ્યારે જિલ્લાના ઉમરપાડામાં ગણતરીનાં કલાકોમાં જ દોઢ ઈંચ જેટલો વરસાદ ખાબકતાં ખેડૂતોમાં આનંદની લાગણી છવાઇ જવા પામી છે. ચોર્યાસી તાલુકામાં બે મીમી, કામરેજમાં ચાર મીમી, મહુવામાં બે મીમી, પલસાણામાં ચાર મીમી અને તાપી જિલ્લાના વાલોડ અને ઉચ્છલમાં ઍક મીમી, નિઝર અને વ્યારામાં બબ્બે મીમી, સોનગઢમાં છ મીમી વરસાદ નોંધાયો છે.

 

 

 

 

 

તાપી જિલ્લાના કુકરમુંડામાં સૌથી વધુ ૨૪ મીમી વરસાદ નોંધાવા પામ્યો છે. બીજી તરફ શહેરની જીવાદોરી સમાન ઉકાઇ ડેમમાં છેલ્લા ત્રણ દિવસથી એકધારા વરસાદને પગલે નવા નીરનું આગમન જોવા મળ્યું છે. છેલ્લા બે દિવસથી ઉકાઇ ડેમમાં ઇનફલો દોઢ લાખ ક્યુસેકથી વધુ નોંધાતા ડેમની સપાટીમાં ૨૪ કલાકમાં બે ફુટનો વધારો જોવા મળ્યો છે. આજે ­પ્રકાશા ડેમની સપાટી ૧૧૬.૯૦ મીટર નોંધાવાની સાથે તાપી નદીમાં ૧.૩૪ લાખ ક્યુસેક પાણી છોડવામાં આવી રહ્યા છે. આ સિવાય હથનુર ડેમની સપાટી પણ ૨૦૯ મીટરને વટાવી ચુકી છે અને હાલ ૭૮ હજાર ક્યુસેક પાણી તાપી નદીમાં છોડવામાં આવી રહ્યું છે. જેને પગલે આજે સાંજ સુધીમાં ઉકાઇ ડેમની સપાટી ૩૩૭ ફુટને વટાવી જાય તેવી સંભાવના વ્યક્ત કરવામાં આવી