સાકરદા ગામના ઓવર બ્રીજ પાસેથી એસટી બસ માંથી ઈંગ્લીશદારૂના મુદ્દામાલ સાથે બે આરોપીઓ ને ઝડપી પાડી એક જણાને વોન્ટેડ જાહેર કરવામાં આવ્યો છે.

ઉચ્છલ તાલુકાના સાકરદા ગામના ઓવર બ્રીજ નીચે થી આજરોજ ચેકિંગ દરમિયાન નિઝર-ખેરાલુ એસટી બસ નંબર જીજે/18/ઝેડ/5225 માંથી તપાસ દરમિયાન (1) રાહુલભાઈ ભીખાભાઈ વાનખેડે રહે, ચીચપાડા બીલાટી માઈવાડા જી.નંદુરબાર (2) હેમંતભાઈ શંકરભાઈ ચૌધરી રહે, પરદેશી પુરા-નંદુરબાર નાઓ પાસેથી મળી આવેલ

બે બેગોમાં ઈંગ્લીશદારૂની કુલ બોટલ નંગ-39 જેની કુલ કિંમત રૂપિયા 8,100/- નો દારૂના મુદ્દામાલ સાથે ઉચ્છલ પોલીસની તપાસમાં પકડાઈ ગયા હતા. બંને આરોપીની અટક કરી વધુ પૂછપરછ હાથ ધરતા ચીકુભાઈ સિંધી રહે, સિંધી કોલોની-નંદુરબાર નાઓએ દારૂ ભરી આપ્યો હોવાનું જાણવા મળ્યું હતું.

બનાવ અંગે પોલીસ કોન્સ્ટેબલ પંકજભાઈ અર્જુનભાઈની ફરિયાદના આધારે ઉચ્છલ પોલીસ મથકે આરોપીઓ વિરુદ્ધ ગુનો દાખલ કરી એક જણાને વોન્ટેડ જાહેર કરવામાં આવ્યો છે,