વાપીમાં વલસાડ એલ.સી.બી.ની ટીમે બે ઈસમને લોખંડનાં ૯૦ કિલો પાઈપનાં જથ્થા સાથે શંકાસ્પદ હાલતમાં ઝડપી પાડયા હતા. તેમનું નામઠામ સંજીત ઉર્ફે છોટુ રાહમેતસિંગ (ઉ.વ.૧૯) અને તેની સાથે એક બીજો સગીર વયનો આરોપી હોય તે બંનેને આ લોખંડના પાઈપના જથ્થા અંગે પુછપરછ કરતા આ પાઈપ ડુંગરા ખાતે લેકવ્યુ બંગલો પાસે આવેલ ભવાની એન્ટરપ્રાઈઝ નામની ફેબ્રિકેશનની દુકાન બહાર મુકેલા હોય ત્યાંથી ચોરી કરી ઝાડીમાં સંતાડી અને તે ભંગારવાળાને વેચવાની ફિરાકમાં હોવાની કબુલાત કરી હતી. આમ, પોલીસે આ મુદ્દામાલ રિકવર કરી બંને સામે આગળની કાર્યવાહી હાથ ધરી હતી.