કુકરમુંડાના બહેરપુરા ફળીયામાં બે મકાનોમાં આગ લાગત લાખો નો માલ સામાન બળીને આગમાં ખાક થઇ ગયો હતો.

 

 

 

 

મળતી માહિતી અનુસાર કુકરમુંડાના બહેરપુરા ફળીયામાં રહેતા શૈલેષભાઈ દિનકરભાઇ પાડવી અને મોહનભાઈ દગડુભાઈ ચિત્રકડેના નળિયા વાળા કાચા મકાનમાં ગત રાત્રીના સમયે શોર્ટસર્કીટ થતા એકાએક આગ લાગી હતી. ઘરમાં અચાનક આગ લાગતા અફરાતફરીનો માહોલ સર્જાયો હતો. જોકે આ બનાવમાં સદનસીબે કોઈ જાનહાની ન થતા મોટી દુર્ઘટના ટળી હતી. ઘરમાં આગ લગતા અંદાજીત 3 લાખથી વધુનું નુકશાન પહોંચ્યું હોવાનું જાણવા મળ્યું છે.

 

 

 

 

જોકે સ્થાનિક કક્ષાએ ફાયરબ્રિગેડની સુવિધા ઉપલબ્ધ ન હોવાથી લોકોને ભારે નુકશાની વેઠવાનો વારો આવ્યો છે. ત્યારે નિઝર-કુકરમુંડા તાલુકાના વિસ્તારોમાં ફાયરબ્રિગેડની સુવિધા ઉપલબ્ધ કરાવવામાં આવે તેવી માંગ ઉઠી છે.