તાપી જિલ્લા એલસીબી પોલીસ સ્ટાફના માણસો પેટ્રોલીંગમાં હતા તે દરમ્યાન મળેલ બાતમીના આધારે સોનગઢના માંડળ ટોલનાકા પાસે વોચ ગોઠવી હતી તે દરમ્યાન એક વોક્સ વેગન કાર નંબર જીજે/04/બીઇ/7600 આવતા તેને અટકાવી કારમાં બેસેલ મયંકભાઇ કેસુભાઈ રૂપાવટીયા હાલ રહે, પ્રમુખ એવન્યુ-ડી-વિભાગ સાયણરોડ અમરોલી, મૂળ રહે, સનાળા ગામ, જી-અમરેલી તથા કાર્તિકભાઈ કાંતિભાઈ ધાનાણી હાલ રહે, ગઢપુર ટાઉનશીપ કઠોદરા, સુરત, મૂળ રહે, માંડવા, જી-બોટાદ નાઓને ઝડપી પાડ્યા હતા.

પોલીસે કારમાં તપાસ કરતાં કારમાં બનાવેલ ચોરખાનામાંથી વિદેશી દારૂની કુલ 329 નંગ બોટલ કિંમત રૂપિયા 16,450/- નો જથ્થો મળી આવ્યો હતો. પોલીસે વિદેશી દારૂ, કાર અને બે મોબાઈલ ફોન મળી કુલ 2.19 લાખનો મુદ્દામાલ કબ્જે કરી આ વિદેશી દારૂનો જથ્થો પૂરો પાડનાર નવાપુર નજીક આવેલ સુરજીત હોટલના મેનેજરને વોંટેડ જાહેર કરી આગળની કાર્યવાહી હાથ ધરી છે.