તાપી જિલ્લામાં મંગળવારે સાંજ સુધી કોરોનાનો માત્ર ૧ કેસ નોંધાયો છે.જયારે વધુ ૧ દર્દીએ કોરોનાને મ્હાત આપતા રજા આપવામાં આવી હતી.જિલ્લામાં હવે માત્ર ૪ કેસ એક્ટિવ છે.

આરોગ્ય વિભાગ પાસેથી મળતી માહિતી મુજબ તા.૨૨મી જુન નારોજ ડોલવણના ઉમરવાવ નજીકના ૪૫ વર્ષીય પુરુષનો કોરોના ટેસ્ટ પોઝીટીવ આવ્યો છે. જિલ્લામાંથી કોરોના વાયરસના શંકાસ્પદ દર્દીઓના ૫૮૨ સેમ્પલ લેવામાં આવ્યા હતા. જિલ્લામાં આજદિન સુધી કોરોના પોઝીટીવના કુલ ૩૮૭૮ કેસો નોંધાઈ ચુક્યા છે.અત્યાર સુધી કુલ ૩૭૪૯ દર્દીઓ કોરોનાની સારવાર લઈ સાજા થયા છે. જિલ્લામાં કોરોનાની સારવાર દરમિયાન અન્ય કારણોસર કુલ ૧૦૫ દર્દીઓના મોત નિપજ્યા છે જયારે કોરોનાથી ૨૦ દર્દીઓના મોત સાથે આજદિન સુધી જિલ્લામાં કુલ ૧૨૫ દર્દીઓના મોત નિપજ્યા છે.