ઉકાઇ ડેમના ઉપરવાસમાંથી સતત પાણીની આવક ઉપલબ્ધ બનતા આજે એટલે કે તા.૧૯મી સપ્ટેમ્બર નારોજ બપોરે ૧ કલાકે ઉકાઇ ડેમની જળ સપાટી વધીને ૩૪૨.૪૦ ફૂટ ઉપર પહોંચી હતી અને ડેમમાં ૧ લાખ ૨૪ હજાર કયુસેક પાણીની આવક નોંધાઇ છે, ડેમના ૨૨ ગેટ પૈકી ૧૩ ગેટ ૪ ફૂટ ઓપન કરી ડેમમાંથી ૧ લાખ ૨૪ હજાર કયુસેક પાણીનો જથ્થો તાપી નદીમાં છોડવામાં આવી રહ્યો છે.

ઘણા દિવસોથી ઉકાઇ ડેમમાં વધતા ઓછા ­પ્રમાણમાં પાણીની વિપુલ આવક થઇ રહી છે જેથી ડેમ તેની ભયજનક સપાટી નજીક પહોચ્યું છે, ડેમની ભયજનક સપાટી ૩૪૫ ફૂટ છે. ઉકાઇ ડેમના ઉપરવાસમાં મહારાષ્ટ્ર અને મધ્ય­દેશમાં આવેલા કેચમેન્ટ વિસ્તારમાં વરસાદ વરસતા ­પ્રકાશા ડેમના ૮ ગેટ ફૂલ ઓપન કરી ડેમમાંથી ૧ લાખ ૧૧ હજાર ક્યુસેક પાણી છોડવામાં આવી રહ્યું છે, તેમજ પ્રકાશા ડેમની જળ સપાટી આજે બપોરે ૧ કલાકે ૧૦૮.૨૦૦ મીટર નોંધાઇ છે, આજ રીતે ­પ્રકાશા ડેમના ઉપરવાસમાં તાપી નદી પર આવેલા હથનુર ડેમની સપાટી આજે બપોરે ૧૨ કલાકે ૨૧૨.૬૪૦ મીટર નોંધાઇ છે અને ડેમના ૮ ગેટ અઢી મીટર ઓપન કરી ડેમમાંથી તાપી નદીમાં ૪૬ હજાર કયુસેક પાણી છોડવામાં આવી રહ્યું છે.