દિવાળી તહેવાર બાદ તાપી જીલ્લા માં કોરોના સંક્રમીત કેસોમાં વધારો થયો હતો અને ફરીથી કેસો આવવા લાગ્યા હતા. જોકે આરોગ્ય તંત્રની ભારે મહેનત બાદ ફરીથી કોરોના કેસમાં નિયંત્રણ મેળવવા સફળ રહ્યા હોય તેમ કોરોના સંક્રમીત કેસની સંખ્યામાં ઘટાડો થયો છે. પરંતુ જે રીતે લોકો સોસિયલ ડિસ્ટન્ટ કે માસ્ક વગર બિન્દાસ્ત હરવા ફરવા લાગ્યા છે. તે એક ચિંતાનો વિષય બન્યો છે. જોકે આજરોજ તાપી જિલ્લામાં કોરોના પોઝીટીવનો એકપણ નવો કેસ નોંધાયો નથી.

તાપી જીલ્લા આરોગ્ય અધિકારી ડો,હર્ષદભાઈ પટેલના જણાવ્યા અનુસાર આજદિન સુધી તાપી જીલ્લામાં કોરોના પોઝીટીવ દર્દીઓ નો કુલ આંક 800 ને પાર થયો છે, આજે વધુ 1 દર્દીએ કોરોના ને મ્હાત આપી, અત્યાર સુધી કુલ 772 દર્દીઓ સાજા થયા છે. કોરોનાની સારવાર દરમિયાન કુલ 41 દર્દીઓના મોત નીપજ્યા છે. આજે તાપી જીલ્લામાંથી કોરોના ટેસ્ટ માટે 427 સેમ્પલ લેવામાં આવ્યા છે.